Java Structure

                                              ජාවා වලදී සියලුම source code  ලියනුයේ *.java extension සහිතවය. ඉන්පසු මෙය compile කළ යුතුය. එහිදී *.class ලෙස හඳුන්වන ගොනු බවට compile වේ.එය compile කරන ජාවා තුලම තිබෙන මෘදුකාංගය හඳුන්වන්නේ java compiler නමිනි.

Code එක අඩංගු වන්නේ *.java ගොනුව තුලයි. *.class ගොනුව තුල අඩංගු වන්නේ bytecodes ලෙස හඳුන්වන තොරතුරු සමුහයකි. එය bytecode binary application එකකි. මෙය අතරමැදි අවස්ථාවකි,එනම් *.exe ගොනුවක් සේ windows මත කෙලින්ම ක්‍රියාත්මක කළ නොහැක. 

( bytecode යනු java VM එකට හඳුනා ගත හැකි තොරතුරු සැකසුමකි. එනම් machine language එකකි.මෙය මගින් අප භාවිතා කරන  Operating System එකකට ( platform එකට ) වටහා ගත හැකි ආකාරයට වැඩසටහන නැවත සකසයි. )  

මෙය ධාවනය කිරීමට විශේෂ පරිසරයක් අවශ්‍ය වේ.එය JRE (Java Runtime Environment) වේ.  මෙය මෙහෙයුම් පද්ධතියෙන් පද්ධතියට වෙන වෙනම Download කර Install කර ගැනීමෙන් පසු ජාවා වලින් සැදු bite code application එක ධාවනය කළ හැක.

මෙම *.class file එක පරිගණකයට වැටහ ගත හැකි ආකාරයට සකසා ගැනීම කළ යුතුය.එය සිදු වන්නේ ජාවා වර්චුවල් මැෂින් (JVM - Java Virtual Machine) හෙවත් Java VM එක මගිනි.

Java VM විවිධ Operating System සමග ක්‍රියාත්මක වේ. ( Windows, Apple Mac, Linux Base OS )

මෙය කළින් සඳහන් කළ JRE එක තුල පවතී.මෙය තුල Java instruction set හා memory manipulation යන කොටස් දෙක අඩංගු වේ. ජාවා වල ඇති ඕනෑම Operating System එකක් මත ධාවනය වීමේ පහසුකම සහ  Hardware වෙනස්කම් වලින් බාධා නොවීමේ ගුණය ඇති කරදෙන්නේ JVM කොටසේ ක්‍රියා කාරිත්වය මගිනි. 

අන්තර්ජාලය, Wikipedia, පරිගණක සඟරා අශ්‍රයෙනි