ජාවා වැඩ පටන් ගන්න කළින් කළින් පාඩමක් පොඩ්ඩක් මතක් කරන්න වෙනවා. ඔයාලට මතක නම් Platform ගැන මම කිව්වා ජාවා කියන්නේ Software මත පදනම් වූවක් කියල. එහෙනන් මොකක්ද අපි මුලින්ම කරන්න ඕන.ජාවා වලට අදාල Platform එක අපි අපේ පරිගණකයට Install කර ගත යුතුය.
මේ සඳහා කළින් නම් Sun දැන් නම් Oracle වෙබ් සයිට් එකෙන් අපිට ෆ්‍රී Software එකක් බාගන්න වෙනවා.එකට කියන්නේ JDK (Java Development Kit) යනුවෙනි.
මෙන්න මේ Link එකෙන් ඔයාලට දැනට තියෙන අලුත්ම Version එක බාගන්න පුළුවන්.මේ Link එකට ගියාට පස්සේ ඔයාලට පෙනේවි මෙන්න මේ වගේ Radio Button එකක් අපිට tick කරන්න.මෙහි Accept Licence Agreement එකට tick කරලා පහලින් තියෙන Product එකට අදලාව ඉදිරියෙන් ඇති Download Button එක click කරන්න.
ඔයාලා පාවිච්චි කරන Windows Version එක අනුව, ඒ කියන්නේ (ගොඩක් අය windows OS පාවිච්චි කරන නිසා) 32bit ද නැත්නම් 64bit ද යනුවෙන් තෝරාගෙන බාගන්න.මොකද අපි සාදන Software එක 32bit ද නැත්නම් 64bit ද යනුවෙන් තීරණය කරන්නේ මෙන්න මේ JDK Tool එක මගිනි.හේතුව වඩාත් පැහැදිළි කරන්නම් මුල්ම ජාවා program එක රන් කරනකොට.
Download කරගත් පසු මෙය Install කරගන්න.
ඊට පස්සේ තියෙන්නේ වැදගත්ම කොටස. මේකට කියන්නේ ජාවා පාත් එක සකස් කරනවා කියල.ඇයි කියල කියන්නේ 64bit සමග 32bit පැහැදිළි කරනකොටයි.
හොඳයි මම මේ කියන විදියට පාත් එක හදහන්නකෝ.
01). C Drive එකේ (ඒ කියන්නේ windows ස්ථාපනය කර ඇති partition එක) ජාවා bin ගොනුවේ ලිපිනය ලබාගන්න.windows 7 නම් ස්ථාපනය කර ඇත්තේ අදාල ලිපිනය C:\Program Files\Java\jdk1.6.0_23\bin
02). එම ලිපිනය copy කරගන්න.
03). ඉන්පසු පරිගණකයේ My Computer Right click කර ලැබෙන drop down menu එකෙන් properties තෝරන්න (නැත්නම් key board එකෙහි windows logo key සමග Pause/Break button ඔබන්න.)
04).ලැබෙන window හි වම් පැත්තේ ඇති Advanced System Settings click කරන්න.
05). system properties නමින් window එකක් ලැබේවි.
06). එහි පහලින් ඇති Environment Variables click කරන්න.
07). ලැබෙන Environment Variables වින්ඩෝවෙහි පහලින් ඇති System Variables නමින් අදාලව පහල ඇති scroll menuවෙන් path යන්න තෝරාගන්න.එය තෝරා පහලින් ඇති Edit tabය ඔබන්න. නැතිනම් path යන්න double click කිරීමෙන්ද edit කෙලින්ම ලබා ගත හැක.
08). එවිට Edit System Variable නමින් වින්ඩොව් එකක් ලැබේ.එහි variable value එක ඉදිරියෙන් ඇති ලිපිනය එලෙසම තබාගෙන ඉන් ඉදිරියෙන් ; මෙම සංකේතය යොදන්න.
09). " ; " මෙම සංකේතය යොදා ඉන් ඉදිරියට 03) දී copy කරගත් ලිපිනය
(C:\Program Files\Java\jdk1.6.0_23\bin) paste කරන්න.
10). දැන් වැඩේ 90%ක් ඉවරයි.දැන් සියලුම වින්ඩෝ ok කරමින් එකින් එක වසා දමන්න.
11). දැන් අපි බලමු ජාවා සඳහා පරිගණකය සුදානම්ද කියා.ඒ සඳහා පහත පියවර අනුගමනය කරන්න.
12). මුලින්ම run කොන්සෝලය විවර්ත කරගන්න. මේ සඳහා key board එකෙහි widows logo key සමග R key එක ඔබන්න.
13). ලැබෙන run කොන්සොලයෙහි cmd නම type කරන්න.
(මෙය තවත් ක්‍රමයකින් ලබා ගත හැක.එනම් Start -> All programs -> Accessories -> Command Prompt )
14). ලැබෙන Command Prompt එකේ java යනුවෙන් type කර enter key එක ඔබන්න.එවිට දිග විස්තරයක් එනවනම් වැඩේ හරි, "java" is not recognized as an internal external command, ....... මෙන්න මේ වගේ එනවනම් වැඩේ හරි ගිහිල්ල නැ පුතෝ.ඒ කියන්නේ හරියට පාත් එක සකස් වෙලා නැ.එහෙනන් මොකක්ද කරන්නේ.අයෙත් මුල ඉඳන් 01) ඉඳන් කරගෙන එන්න.
ලබන පාඩමෙන් අපේ මුල්ම ජාවා program එක run කරමු.
comment එකක් දාලා යන්න.
