Java Platform & Edition

Java Platform                                                

         ඕනෑම පරිගණක වැඩසටහනක් ක්‍රියාත්මක වීම සඳහා අවශ්‍ය Hardware සහ Software පරිසරය Platform යනුවෙන් හඳුන්වයි. Software Platform වලට උදාහරණ ලෙස Microsoft Windows OS , Apple Mac OS , Linux , Solaris ගත හැකිය. බොහාමයක් Platform, Hardware සහ Software වල එකතුවකින් සැදී තිබේ. නමුත් ජාවා එසේ නොමැත. ජාවා Platform එක තනි ඇත්තේ Software වලින් පමණි.
ජාවා අනෙකුත් Hardware මත පදනම් වූ Platform මත ක්‍රියාත්මක වේ.
ජව Platform කොටස් 2කි.

1. Java Virtual Machine (JVM)
2. Application Programming Interface (API)

 API යනු විවිධ හැකියාවන් සහිත මෘදුකාංග උපාංග කට්ටලයකි.මේවා විවිධ Interface සහ classes යටතේ වර්ග කොට තිබේ.ජාවා යටතේ එන Access Package යනු මේවයි.

JVM සම්බන්දව Java Structure යටතේ සාකච්චා කරමු.

Java Edition

         ජාවා සංස්කරණ 3ක් දැනට හඳුන්වා දී ඇත.

1. J2SE -  Java 2 Platform Standard Edition 

                

                සාමාන්‍ය පරිගණක වැඩසටහනක් ක්‍රියාත්මක කරවිම සඳහා පමණක් අවශ්‍ය දැනුම ලබා ගත හැකි වන ආකාරයට නිපදවා ඇත.

උදා:                       GUI Programming (Graphic User Interface)

                              Input & Output

                              Network

                              XML

                              Cobra

                              applets

                              Java Beans

                              Security 

                              Database   

           මේ සඳහා නිදසුන් වේ. මේ එකින් එක අප ඉදිරියේදී කතා කරමු

2. J2ME -  Java 2 Platform Micro Edition

                 

                  ප්‍රධාන වශයෙන් ඉලෙක්ට්‍රොනික උපකරණ වලට සකසා ඇති විවිධ application නිපදවා ඇත්තේ මෙම Java ME මගිනි. ජංගම දුරකථන, රැහැන් රහිත විවධ උපකරණ , PDA , etc. ආදී උපකරණ වලට අවශ්‍ය application නිපදිවිමට මෙම Java ME යොදාගනී. මා ඉහතදී ප්‍රකාශ කළා මෙන් ලොව පුරා ඇති ජංගම දුරකථන 3 8000 000ක්ම ක්‍රියාත්මක වන්නේ මෙම ජාවා ME වැඩසටහන් වලින් ලියූ application වලිනි.

3. J2EE - Java 2 Platform Enterprise Edition 

              

               අන්තර්ජාලය හා සම්බන්ධව ක්‍රමලේඛන කිරීමට J2EE යොදා ගනී.මෙය උදාහරණ සැපයු විට ගොඩක් පැහැදිලි වනු ඇත.

උදා:

                             Java Server Pages (JSP)

                             Java Database Connectivity (JDBC)

                             Extensible Markup Language (XML)

                             Java Naming and Directory Interface (JNDI)

                             Java Transaction Service (JTS)

                             Java Transaction API (JTA)

                             Java Messaging Service (JMS)

                             Java IDL

                             Java Mail

                             Java Web Service

              ඔන්න ඕවා තමයි උදාහරණ. උදාහරණ දුන්නට පස්සේ තේරේවි කිව්වට අලුතෙන් ඉගෙන ගන්න කෙනෙක්ටනම් මේවා නිකන් මැජික් වචන වගේ ඇති නේද, බය වෙන්න එපා මමත් ඉගෙන ගන්න හදපු මුල්ම දවස් වල ඔහොමම තමා. ඔක්කොම නිකන් Harry Potter වගේ. ඉස්සරහට මේ ඔක්කොම එකින් එක මම පැහැදිළි කරනවා උදහරනත් සමගම. හොඳයි ලබන පොස්ට් එකෙන් හමුවෙනකන් ආයුබෝවන්.

ආ කොමෙන්ට් එකක් දාලා යන්න අමතක කරන්න එපා.


අන්තර්ජාලය, Wikipedia, පරිගණක සඟරා අශ්‍රයෙනි 

                             

What is the JAVA (මොනවද මේ ජාවා)

ජාවා 

• Internet මුලික කොට ගත් ක්‍රම ලේඛන භාෂාවකි (Internet centric).

නිර්මාණය 

• 1991 දී James Goslin හා Henri MacHilton විසින් නිර්මාණය කරන ලදී. Sun Microsystems සමාගමට මෙය අයිතිය තිබුනද වර්තමානය වන විට Oracle සමාගම විසින් මෙය Sun ආයතනයෙන් මිලදී ගෙන ඇත. ජාවා ක්‍රමලේඛන කටයුතු වලට අදාල සියලුම මෘදුකාංග Oracle වෙබ් අඩවියෙන් Download කරගත හැක.

කළ හැකි දේ

• ඉතාමත් අලංකාර වෙබ් අඩවි නිර්මාණය සඳහා ජාවා යොදා ගත හැක.මේ සඳහා Servlets හෙවත් JSP (Java Server Pages) යොදා ගැනේ. විශේෂ web browser හරහා මෙම JSP බලා ගත හැක.නමුත් වෙබ් පිටුව බලන්නාට එය වෙනත් භාෂාවකින් ලියා ඇති බව පෙනෙන්නේ නැත.ඒ වගේම ඒවා වෙබ් පිටුවේ වෙනත් කොටස් වලින් වෙන කොට හඳුනා ගැනීමටද නොහැක. මේ නිසා Shopping Carts Online Catalogs වැනි යෙදවුම් නිර්මාණය කළ හැකි අතර වෙබ් පිටුවට database වලින් ඉක්මණට data ලබාගැනීමට හැකි වනු ඇත.

• ජංගම දුරකථන වලට application ලිවිම සඳහා බහුලව ජාවා ක්‍රමලේඛන භාෂාව යොදාගැනේ.

• Word Processors ,Spread Sheet , E-mail Client  සහ 3D Games යනාදී වැඩසටහන් අලුතින් තමන්ට කැමති ආකාරයට ලිවීමට ජාවා උපයෝගී කරගත හැක.

වර්තමානය වන විට ලෝකයේ තැන් තැන් වල java developers ලා 5000 000ක් පමණ සිටියි.ජංගම දුරකතන තුන් සිය කෝටි අසූ ලක්ෂයක්ම ක්‍රියාත්මක වන්නේ ජාවා වලින් ලියු වැඩසටහන්වල ආධාරයෙනි.




අන්තර්ජාලය, Wikipedia, පරිගණක සඟරා අශ්‍රයෙනි